Eris a mangianu ddoe est istada in Casteddu, de fronte a su palàtziu de sa Regione, sa manifestatzione pro sa difesa de s’ispidale de Lanusè, a sa cale ant leadu parte medas e medas ogiastrinos ghiados dae is sìndigos de totu is biddas de s’Ogiastra. Is primos tzitadinos sunt istados retzidos dae su Presidente de sa Cummissione Sanitària Domenico Gallus, dae s’Assessore a is trasportos de Gelisuli Giorgio Todde, dae su Cussigeri de Baunei Salvatore Corrias e dae s’Assessore Mario Nieddu. Signent unas cantas fotos pubblicada in su profilu face book cosa sua dae Gian Luca Congiu, sìndigu de Gelisuli, chi torrat gràtzias a is rapresentantes regionales pro ddos àere retzidos e pro àerent iscurtadu is chèscias issoro, cun s’ispetu chi is problemas de s’ispidale Nostra Sennora de sa Mertzede de Lanusè bèngian risòrvidas a coidu.